கோடியில் ஒருவன் – விமர்சனம்
ஊழல் செய்யும் உள்ளூர் அரசியல்வாதியால் பாதிக்கப்படும் விஜய் ஆண்டனியின் தாயார், ஒடுக்கப்பட்ட மக்களுக்கு உழைப்பதற்காகவே கலெக்டராக வேண்டும் என்று சொல்லி தன் மகனை வளர்த்து வருகிறார். இதற்காக சென்னை வரும் விஜய் ஆண்டனி, படித்துக்கொண்டே தான் வசிக்கும் பகுதியில் உள்ள பள்ளி இடை நின்ற மாணவர்களுக்காக ட்யூஷன் எடுக்கிறார்.
சிவில் சர்வீஸ் தேர்வுகளில் வெற்றி பெறும் விஜய் ஆண்டனி, நேர்முகத் தேர்வுக்காக டில்லி புறப்படும்போது ஊழல் அரசியல்வாதி ஆதரவுடன் சமூக விரோத காரியங்களில் ஈடுபடும் ஆட்கள் அவரைத் தாக்கி டில்லி செல்ல விடாமல் தடுக்கின்றனர்.
கலெக்டராகும் கனவு தகர்ந்தாலும், ஊழல் அரசியல்வாதிகளை எவ்வாறு எதிர்கொண்டு தன் லட்சியத்தை நிறைவேற்றுகிறார் என்பதை சுவைபடவும் விறுவிறுப்பாகவும் சொல்லியிருக்கும் படம்தான் கோடியில் ஓருவன்.
வழக்கமாக இவ்வகைப் படங்களில் ஹீரோயிசம் தூக்கலாக இருக்கும் வகையில் தனிமனித சாகத்...