Tag: 16th ciff

  16வது சென்னை சர்வதேச திரைப்பட விழா இம்மாதம் 13ஆம் தேதியிருந்து 20ஆம் தேதிவரை சென்னையில் நடக்கவிருக்கிறது. மாநில அரசு நிதியுதவியுடன், ஐ.சி.ஏ. பவுண்டேஷன் என்னும் தனியார் அமைப்பு நடத்தும் இந்த விழா குறித்து அறிவிப்புகள் வந்ததுமே பிரச்னைகளும் ஆரம்பித்துவிட்டன. காரணம் போட்டிப் பிரிவில் கலந்து கொள்ள 20 படங்கள் விண்ணப்பிக்கப்பட்டிருந்ததாகவும், அதில் 12 படங்கள் தேர்வு செய்யப்பட்டிருப்பதாகவும் ஒரு பட்டியல் வெளியிட்டிருக்கிறது ஐ.சி.ஏ. இப்படங்கள் எந்த விதிகளின் அடிப்படையில் தேர்வு செய்யப்பட்டன, தேர்வு செய்த குழுவினர் யார் என்றெல்லாம் கேள்விகள் எழுப்பத்தொடங்கியிருக்கின்றனர் தமிழ்ப்படவுலகினர். இது குறித்து நம்மிடம் பேசிய ஒரு பிரமுகர் கூறியதாவது... சென்னை சர்வதேசப் படவிழாவுக்கு ஆண்டுதோறும் தமிழக அரசு வழங்கும் நதியுதவி மட்டும் கூடிக்கொண்டேபோகிறது. ஆனால் ஏற்பாட்டாளர்கள் அலட்சியப்போக்குடனே...