கொலைகாரன் (விமர்சனம்)
பாதி எரிந்த நிலையில் கிடக்கும் பிரேதம் குறித்து போலீஸ் விசாரணை செய்வதில் துவங்கும் கொலைகாரன் திரைப்படம், துவக்கம் முதல் இறுதிவரை விறுவிறுப்பு சற்றும் குறையாமல் பயணப்படுகிறது. கொலை செய்யப்பட்டவன் யார், அவனை யார், எதற்காக கொலை செய்தார் என்பதை மிக அழகாகச் சொல்லியிருக்கிறரார் அறிமுக இயக்குநர் ஆண்ட்ரூ லூயிஸ்.
அடுக்ககம் ஒன்றில் குடியிருக்கும் ஆஷிமா நார்வல், அவரது தாயார் சீதா ஆகியோர்மீது போலீஸ் புலனாய்வு அதிகாரி அர்ஜுனின் சந்தேகப் பார்வை விழுகிறது. இவர்கள் வீட்டுக்கு எதிர்வீட்டில் வசிக்கும் விஜய் ஆன்டனியும் போலீஸ் விசாரணை வளையத்துக்குள் கொண்டுவரப்படுகிறார்.
விஜய் ஆன்டனி நேரடியாகவோ மறைமுகமாகவோ இந்தக் கொலையில் சம்பந்தப்பட்டிருக்கிறாரா கொலை எதற்காக நடந்தது என்று மர்ம முடிச்சுகள் ஒவ்வொன்றாக பின்பாதியில் சுவராஸ்யமான முறையில் அவிழ்க்கப்படுகின்றன.
அளவெடுத்து தைத்த உடைபோல் அப்படியே ப...
