பருவ மழை பொய்த்துப் போகிறதா, சரியாகப் பெய்கிறதா தெரியவல்லை. ஆனால் யோகி பாபுவின் காட்டில் பெய்யும் அடைமழை அதிகரித்துக்கொண்டே போவதென்னவோ நிஜம். யோகி பாபு பிரதான வேடத்தில் நடிக்கும் ட்ரிப் என்ற படத்தின் அறிவிப்பு விநாயகர் சதுர்த்தியன்று வெளியிடப்பட்டிருக்கிறது. கதை நாயகனாக யோகி பாபு நடிக்க, சுனைனா மற்றும் கருணாகரன் இருவரும் முக்கிய வேடங்களில் நடிக்கின்றனர். இதர வேடங்களுக்கான நட்சத்திர தேர்வு நடைபெற்று வருகிறது. ரசிகர்களை இருக்கையின் நுனி்க்கே வரவழைக்கும் அளவுக்கு கதையும் காட்சியமைப்பும் அமைந்திருப்பது படத்தின் சிறப்பம்சமாகும். ஜி.உதயசங்கர் ஒளிப்பதிவு இயக்குநராகப் பொறுப்பேற்க, தீபக் எஸ்.துவாரகநாத் படத்தொகுப்பை கவனிக்கிறார். ஏ.விஸ்வநாதன் மற்றும் ப்ரவீன் குமார் இருவரும் இணைந்து இப்படத்தைத் தயாரிக்கின்றனர். டென்னிஸ் மஞ்சுநாத் இயக்கும் ட்ரிப் படப்பிடிப்பு இம்மாதம் தொடங்குகிறது.